Background waves

Misioni

Të ndikojë në hartimin e politikave që nxisin zhvillimin e industrisë teknologjike dhe krijojnë një mjedis të favorshëm për rritje ekonomike, përmes bashkëpunimit me përfaqësues të kompanive kryesore dhe institucioneve qeveritare, duke adresuar sfida kyçe si rregullimet ligjore, politikat fiskale e tatimore dhe mbrojtjen e të dhënave.

Ky mision realizohet përmes:

  • • Konsultimit të vazhdueshëm me aktorët e tregut për politika të dobishme,
  • • Analizës së thelluar të ndikimit të legjislacionit ekzistues,
  • • Nxitjes së lehtësirave fiskale për sektorin digjital,
  • • Përdorimit të eksperiencës ndërkombëtare për të modernizuar politikat lokale.

Fushat kryesore të veprimtarisë:

  • • Komiteti i Politikave Lokale dhe Globale, pjesë e ACTI, ka për mision të ndikojë në krijimin e politikave që mbështesin zhvillimin e industrisë teknologjike dhe inovacionin, duke bashkëpunuar me kompanitë dhe institucionet shtetërore mbi çështjet ligjore, fiskale dhe të mbrojtjes së të dhënave.
  • • Komiteti ka kontribuar në tryeza strategjike si “Albania 2030” dhe temat që lidhen me integrimin në Bashkimin Evropian, si dhe ka mbështetur Durana Tech Park, duke ofruar lehtësira fiskale dhe infrastrukturore për bizneset.
  • • Kryen analiza dhe ofron rekomandime për përmirësimin e politikave fiskale dhe të privatësisë së të dhënave, duke u fokusuar në advokimin për incentiva fiskale dhe uljen e kostove për industrinë e teknologjisë.
  • • Komiteti synon të angazhohet në rrjete ndërkombëtare si OECD dhe Digital Europe, për të sjellë praktika më të mira dhe modele të suksesshme të bashkëpunimit mes sektorit shtetëror dhe privat, duke afruar Shqipërinë me standardet globale të një ekonomie digjitale.

Anëtarët

Kushtrim Shala

Kryetar i Komitetit të Politikave Lokale dhe Globale

Kushtrimi është një profesionist me mbi 15 vite përvojë në teknologji, inovacion dhe menaxhim biznesi. Ai është diplomuar në Informatikë nga Universiteti i Tiranës dhe ka përfunduar një Master në Administrim Biznesi në University of New York Tirana. Karrierën e ka nisur në sektorin e telekomunikacionit me Vodafone, më pas themeloi ICTSmedia dhe bashkëthemeloi ALBICT, qendren laboratorike ICTSlab dhe konkursin kombëtar të inovacionit ICT Awards, duke luajtur një rol të rëndësishëm në zhvillimin e ekosistemit të start-up-eve në Ballkanin Perëndimor.

Kompania: ALBICT

Eni Jordhani

Anëtare e Komitetit të Politikave Lokale dhe Globale

Eni Jordhani është një eksperte ligjore dhe e prokurimeve pranë Communication Progress shpk. Me një përvojë të thelluar prej më shumë se 10 vite në ofrimin e konsulencës ligjore, ajo është specializuar në menaxhimin e prokurimeve, kontratave tregtare dhe sigurimin e përputhshmërisë me kuadrin rregullator në fuqi. Ekspertiza e saj në hartimin dhe rishikimin e kontratave, marrëveshjeve të partneritetit dhe dokumenteve ligjore për projekte komplekse në fushën e ICT-së ka ndihmuar në krijimin e një profili profesional të konsoliduar dhe të mirënjohur.

Kompania: Communication Progress

Antia Taraboshi

Anëtare e Komitetit të Politikave Lokale dhe Globale

Që në fillimet e karrierës së saj, Antia është udhëhequr nga një pyetje e thjeshtë, por e fuqishme: Si mund të krijojë ndikim, të zgjidhë sfida dhe të ndihmojë organizatat të lulëzojnë? Ky kuriozitet ka formësuar rrugëtimin e saj, duke e udhëhequr nëpër industri të ndryshme, nga financa te burimet njerëzore, menaxhimi i projekteve dhe zhvillimi i biznesit. Përtej rritjes organizative, Antia siguron që bizneset të navigojnë dhe të përfitojnë nga politikat lokale dhe globale, duke forcuar pajtueshmërinë, udhëheqjen etike dhe përparësinë strategjike.

Kompania: First

Egel Xhaferaj

Anëtar i Komitetit të Politikave Lokale dhe Globale

Egel Xhaferaj është një profesionist në fushën e teknologjisë së informacionit, me eksperiencë të formuar si brenda Shqipërisë, ashtu edhe në kontekste europiane, ku ka kontribuar në zhvillimin e zgjidhjeve innovative. Si pjesë e një brezi të ri profesionistësh të përkushtuar ndaj përparimit teknologjik dhe përfshirjes në proceset vendimmarrëse, ai synon të sjellë në Komitetin e Politikave Lokale dhe Globale një vizion bashkëkohor dhe strategjik për zhvillimin e politikave publike që mbështesin rritjen e industrisë së teknologjisë në vend.

Kompania: dev.al