Background waves

Misioni

Të forcojë sigurinë digjitale në Shqipëri duke mbrojtur infrastrukturat kritike dhe organizatat ndaj kërcënimeve kibernetike, bazuar në praktikat dhe standardet e ENISA-s (Agjencia e Bashkimit Evropian për Sigurinë Kibernetike), përmes bashkëpunimit me ekspertë dhe zgjidhjeve të avancuara teknologjike.

Ky mision realizohet përmes:

  • • Qasjes parandaluese dhe reaguese ndaj rreziqeve kibernetike,
  • • Fokusin në ndërtimin e kapaciteteve (laboratorë, manuale),
  • • Frymën bashkëpunuese me komunitetin e ekspertëve dhe organizatat.

Fushat kryesore të veprimtarisë:

  • • Komiteti i Sigurisë Kibernetike, pjesë e Këshillit Shqiptar për Teknologjinë dhe Inovacionin (ACTI), adreson sfidat e sigurisë në epokën digjitale dhe mbron infrastrukturat kritike kombëtare, duke ndjekur praktikat e ENISA-s dhe standardet ndërkombëtare për politika dhe zgjidhje inovative.
  • • Aktivitetet përfshijnë krijimin e laboratorëve virtualë (Cyber Labs), manuale praktike për sigurinë, ngritjen e Sistemit të Paralajmërimit të Hershëm (Early Warning System), dhe zhvillimin e një komuniteti ekspertësh për mbrojtjen digjitale.
  • • Përmes partneritetit me AKSK dhe AKSIK, Komiteti kontribuon në hartimin e politikave dhe zhvillimin e kapaciteteve të sigurisë kibernetike në Shqipëri.
  • • Në nismën “ACT Now”, komiteti ka organizuar CyberDrill, një garë praktike për simulimin e sulmeve kibernetike, që forcon gatishmërinë operacionale dhe bashkëpunimin ndërinstitucional.
  • • Ky komitet është një pikë referimi për organizatat që synojnë të operojnë në një mjedis të sigurt dhe teknologjikisht të avancuar.

Anëtarët

Migena Buzra

Kryetare e Komitetit të Sigurisë Kibernetike

Migena Buzra është një profesioniste me formim akademik në Inxhinieri Elektronike dhe Telekomunikacioni. Gjatë karrierës së saj, ka mbajtur role kyçe si COO, Head of ICT Center, Lecturer, Network & Support Engineer, duke kombinuar aftësitë teknike me menaxhimin strategjik. Me mbi 8 vite experience në Tik dhe 4 vite + përvojë në sigurinë kibernetike, ajo ka ndërtuar ekspertizë të thellë në mbrojtjen e infrastrukturave kritike, menaxhimin e rreziqeve kibernetike dhe implementimin e strategjive të avancuara për mbrojtjen e të dhënave.

Kompania: First

Jetmir Nikolli

Anëtar i Komitetit të Sigurisë Kibernetike

Jetmir Nikolli është profesionist në fushën e sigurisë kibernetike dhe administrimit të infrastrukturave të IT-së, me përvojë të pasur prej dy dekadash dhe kontribute në projekte të ndryshme të orientuara drejt ndërtimit të sistemeve të qëndrueshme dhe të sigurta. Jetmiri si pjesë e komitetit të Sigurisë Kibernetike, angazhohet dhe dëshiron të punojë ngushtë me ekspertët dhe profesionistët e fushës për të ndihmuar në ndërtimin e një infrastrukture më të fortë dhe për t’u siguruar që organizatat të jenë gjithmonë të mbrojtura nga kërcënimet kibernetike në rritje.

Kompania: Communication Progress

Indrit Caca

Anëtar i Komitetit të Sigurisë Kibernetike

Indrit Caca është një zhvillues softuerësh me përvojë të konsiderueshme në ndërtimin e aplikacioneve moderne duke përdorur .NET, .NET Core, Angular, Azure dhe SQL Server. Aktualisht, ai punon si Software Developer në kompaninë Soft & Solution. Ekspertiza e Indritit përfshin krijimin e ndërfaqeve interaktive me Angular, zhvillimin e API-ve për sisteme me trafik të lartë, si dhe implementimin e praktikave të sigurta të kodimit dhe masave të avancuara të sigurisë.

Kompania: Soft & Solution

Eraldo Dura

Anëtar i Komitetit të Sigurisë Kibernetike

Eraldo Dura është një profesionist me përvojë në fushën e sigurisë së sistemeve dhe rrjeteve kompjuterike. Ai ka përfunduar studimet e larta për Inxhinieri Elektronike dhe një Master në Teknologji Informatike, si dhe ka ndjekur trajnime të ndryshme në fushën e sigurisë kibernetike. Aktualisht, Eraldo punon si Inxhinier i Sistemeve dhe Rrjetit pranë HardTech, ku është përgjegjës për menaxhimin e sistemeve dhe rrjeteve kompjuterike, implementimin e politikave të sigurisë dhe mbrojtjen e infrastrukturës nga kërcënimet kibernetike.

Kompania: Hardtech

Gliqeri Riza

Anëtar i Komitetit të Sigurisë Kibernetike

Gliqeri Riza është një profesioniste me eksperiencë të gjerë në fushën e teknologjisë, sistemeve dhe sigurisë së informacionit. Prej vitesh, Gliqeria është pjesë e Helius Systems, e angazhuar në zhvillimin software-ik në krye të një projekti të rëndësishëm, gjithashtu me fokus edhe në mbrojtjen e të dhënave. Ka kontribuar në krijimin dhe integrimin e moduleve për administrimin e proceseve në mënyrë digjitale, duke garantuar efikasitet në çdo fazë të procesit, duke ndihmuar në përmirësimin e shërbimeve publike dhe duke siguruar një sistem të besueshëm e të sigurt për qytetarët dhe profesionistët.

Kompania: Helius Systems

Lajme & Evente

Background waves bottom