Këtë javë, ACTI, në bashkëpunim me Durana Tech Park dhe TEDA, përcolli një mesazh urimi me rastin e lançimit të Dhomës së Tregtisë Kanadezo-Shqiptare.

Ky moment shënon një hap të rëndësishëm drejt forcimit të marrëdhënieve ekonomike mes Shqipërisë dhe Kanadasë, duke hapur rrugë të reja për bashkëpunim, inovacion dhe partneritete strategjike. Krijimi i Dhomës përfaqëson një platformë të re lidhjeje mes bizneseve, profesionistëve dhe aktorëve institucionalë të dy vendeve, me fokus në zhvillimin e qëndrueshëm dhe shkëmbimin e ekspertizës.

Nën drejtimin e Kryetarit të Këshillit të ACTI, Ermal Beqiri, ACTI ka konsoliduar një qasje të qartë drejt bashkëpunimeve ndërkombëtare që sjellin ndikim real në ekonomi, inovacion dhe zhvillim afatgjatë. Mbështetja për krijimin e Dhomës së Tregtisë Kanadezo-Shqiptare është pjesë e këtij vizioni strategjik për forcimin e lidhjeve ndërmjet ekosistemeve dhe për pozicionimin e Shqipërisë si një partner serioz dhe konkurrues në tregjet globale.

ACTI mbetet i përkushtuar në fuqizimin e bashkëpunimit ndër-ekosistemik dhe në krijimin e urave të qëndrueshme që lidhin talentet dhe bizneset shqiptare me rrjete ndërkombëtare. Iniciativa të tilla përfaqësojnë hapa konkretë drejt rritjes së kapaciteteve vendase dhe nxitjes së projekteve me ndikim real ekonomik dhe shoqëror.

Ne i urojmë Dhomës së Tregtisë Kanadezo-Shqiptare një rrugëtim të suksesshëm dhe me ndikim, duke besuar se kjo nismë do të shërbejë si katalizator për projekte të reja, investime dhe bashkëpunime të reja, investime dhe partneritete afatgjata mes Shqipërisë dhe Kanadasë.