Në misionin për të ndërtuar një ekosistem të qëndrueshëm inovacioni, ACTI e di se baza e çdo transformimi qëndron te edukimi. Pikërisht për këtë arsye, një nga hapat më domethënës ishte takimi me studentë dhe pedagogë në Universitetin Mesdhetar të Shqipërisë.

Ky aktivitet nuk ishte thjesht një prezantim i vizionit të ACTI-t, por një dialog i hapur dhe i sinqertë mbi sfidat e arsimit digjital dhe përgatitjen e brezave të rinj për tregun e punës. Diskutimet sollën në vëmendje realitetin aktual: tregu i punës po ndryshon me shpejtësi dhe Shqipëria ka nevojë për profesionistë të aftë që të ecin në hap me teknologjinë globale.

Studentët dhe stafi akademik ndanë pikëpamjet e tyre mbi boshllëqet ekzistuese dhe mundësitë që ofron transformimi digjital. Për , kjo është dëshmi e qartë se bashkëpunimi mes universiteteve, industrisë dhe institucioneve publike është themeli mbi të cilin ndërtohet e ardhmja.

Siç thekson Ermal Beqiri, Kryetari i Këshilit të ACTI: “Investimi më i madh që mund të bëjmë sot nuk është tek teknologjia vetë, por tek njerëzit që nesër do ta zhvillojnë atë. Çdo student i përgatitur sot është një profesionist që nesër do të ndërtojë Shqipërinë digjitale.”

Ky takim ishte një hap i rëndësishëm në ndërtimin e urave mes universiteteve dhe industrisë së teknologjisë në Shqipëri, duke e pozicionuar edukimin si shtyllën kryesore për një transformim të qëndrueshëm digjital.