Sot, ACTI mori pjesë në Panairin e Punës në Fakultetin e Ekonomisë,

Atmosfera ishte ndryshe. Mes studentëve dhe profesionistëve të rinj, nuk po prezantonim thjesht vizionin e ACTI. Po ndanim mundësi reale që po ndërtojmë për të rinjtë dhe përtej tyre.

Sepse ACTI nuk është vetëm një këshill. Është një lëvizje. Një bashkim njerëzish që besojnë se teknologjia nuk është thjesht një industri. Është e ardhmja jonë. Dhe ajo e ardhme duhet ndërtuar së bashku, me dije, pasion dhe qëllim.

Kryetari i Këshilit të ACTI, Ermal Beqiri, tha: “Ajo që pamë sot ishte më shumë sesa interes. Ishte energji e pastër për të mësuar, për të ndryshuar, për të vepruar. Shqipëria ka nevojë për zëra që krijojnë të ardhmen, jo që e presin atë.”

Studentët na dhanë më shumë sesa vëmendje. Na dhanë shpresë. Na kujtuan pse çdo hap ka rëndësi. Kur sheh sy që ndriçojnë nga një ide, kupton sa shumë ka për të dhënë kjo gjeneratë.